Śląski
Polski
Cwekym Towarzystwa je staranie sie ô nŏlyżnŏ ślōnskij gōdce pozycyjŏ we społeczności Gōrnego Ślōnska i ôbecność tyj gŏdki w przestrzyństwie publicznym, uwszeôbecnianie wiedze ô ślōnskij mŏwie, napoczynanie i spōmŏganie robōt, kere majom na cylu ujednolicynie ślōnskij ôrtografije (bez przikłŏd ôbrobiynie nowyj wersyje alfabety ślōnskij), gramatyki i leksyki, prōmowanie ślōnskij mŏwy bez media i publikacyje, jak tyż spiyranie twōrcōw, kerzi posugujōm sie ślōnskōm gŏdkōm.
Ô nŏs
Towarzystwo ôstało powołane bez 16 perzōnōw bezczŏs trefu założycielskigo w Miejskim Dōmu Kultury we Mikołowie 20 paździyrnika 2007 r.
Gōrnoślōnski ślabikŏrz
Towarzystwo dostało dofinancowanie w rōmach Funduszu Inicjatyw Ôbywatelskich na realizacyjŏ projektu „Ślōnski ślabikŏrz – bez ôświata do kultury regijōnalnyj”. Projekt tyn ryalizowany bōł ôd 1 lipnia 2009 do 30 czyrwnia 2010 r. W jego rōmach powstōł podryncznik pt. „Gōrnoślōnski ślabikŏrz”, kery skłŏdōł sie z 46 lekcyjōw ułożōnych tymatycznie podug chronologije roku szkolnego. Podryncznik przeznaczōny je dlŏ bajtli modszych klas szkoły podstawowyj (preferowanŏ III klasa).