1. Miyniōnŏ Polityka Prywatności ôkryślŏ prawidła przetwŏrzaniŏ i ôchrōn danych ôsobowych przekŏzanych bez Używŏczy skuli używaniŏ bez nich posug zajty internecowyj  www.silesiana.org.

2. Administratorym danych ôsobowych przetwŏrzanych bez zerwis je Pro Loquela Silesiana Towarzystwo Kultywowania i Promowania Śląskiej Mowy,  z siydzibōm w Chorzowie przi ul. Powstańców 70/3,  KRS 0000497366, NIP 6272737798, REGON 243492176.

3. Skuli staraniŏ ô bezpiyczyństwo porynczōnych nōm danych ôbrobiyli my wnyntrzne procedury a dorady, kere majōm chrōnić przed udostympnianiym danych persōnōm niyupowŏżniōnym. Kōntrolujymy jejich wykōnowanie i durch wybadujymy jejich napasowanie do ôdpednich aktōw prawnych – ôrdōnku ô ôchrōnie danych ôsobowych, ôrdōnku ô świadczyniu posug drōgōm elektrōnicznōm, a tyż leda jakich zortōw aktōw wykōnawczych i aktōw europejskigo prawa spōlnotowego.

4. Dane Ôsobowe przetwŏrzane sōm podug zwōli wyrŏżōnyj bez Używŏcza, jak tyż kej sie trefiōm recepty prawa, kere upowŏżniajōm Administratora do przetwŏrzaniŏ danych ôsobowych podug receptōw prawa abo do ryalizacyje uzdanyj miyndzy zajtami ugŏdy.

5. Zerwis ryalizuje fōnkcyje skludzaniŏ informacyjōw ô używŏczach i jejich zachowaniach w pokŏzanych niżyj knifach:

a) bez wkludzōne ze samości we formularach informacyje

b) bez skludzanie plikōw „cookies” [wejrzij na polityka plikōw „cookies”].

6. Zerwis skludzŏ informacyje podane ze samości bez używŏcza.

7. Dane podane w formularze sōm przetwŏrzane skuli fōnkcyje kōnkretnego formulara, bp. skuli dokōnaniŏ procesu ôbsugi kōntaktu informacyjnego

8. Dane ôsobowe ôstawiōne w zerwisie niy ôstanōm przedane ani udostympniōne ôsobōm trzecim, podug receptōw Ôrdōnku ô ôchrōnie danych ôsobowych.

9. Persōnie fizycznyj, kerŏ wraziyła we formularze swoje dane osobowe, nŏleży sie zŏziyranie do ônych. Ôsoba ta może tyż je pōmiyniać i sztopńć jejich przetwŏrzanie leda kej.

10. Zastrzegōmy se prawo do pōmian polityki ôchrōny prywatności zerwisu, na kere może wepłynōńć rozrost technologije internecowyj, ewyntualne pōmiany prawa we cōunie ôchrōny danych ôsobowych jak tyż rozrost naszego zerwisu internecowego. Ô leda jakich pōmianach bydymy informować tak coby Używŏcze mogli to ôbŏczyć i spokopić.

11. W Zerwisie mogōm ukazować sie linki do inkszych zajtōw internecowych. Take zajty internecowe fōngujōm niyzŏleżnie ôd Zerwisu i niy sōm w żŏdyn rŏz kōntrolowane bez Zerwis www.kajonshow.pl. Zajty te mogōm mieć włŏsne polityki, kere tykajōm prywatności, jak tyż prawidła, z kerymi doradzōmy sie ôbznajōmić.

Kej sie trefiōm wōnty co do leda jakij recepty miyniōnyj polityki prywatności, sōm my do dyspozycyje – nasze dane idzie znŏlyź we zŏgibce – KŌNTAKT.