„PRO LOQUELA SILESIANA”
TŎWARZYSTWO PIASTOWANIŎ
I PRŌMOWANIŎ ŚLŌNSKIJ MŎWY
STATUT
Przijynty na ekstra Walnym Zgrōmadzyniu Człōnkōw
we dniu 27 grudnia 2008 r.
Zatwiyrdzōmy statut we niżyj pokŏzanym brzmiyniu
Głōwny Forsztand
Rafał Adamus
Mirosław Syniawa
Bogdan Kallus
Klaudia Porwolik
Andrzej Szczeponek
ROZDZIOŁ I
Postanowiynia ôgōlne
§ 1
1. Tŏwarzystwo nosi miano „Pro Loquela Silesiana” Tŏwarzystwo Piastowaniŏ i Prōmowaniŏ Ślōnskij Mŏwy. W dalszyj czynści Statutu mianowane je Tŏwarzystwym.
2. Tŏwarzystwo je niyznŏleżnym, samorzōndnym, dobrowolnym zrzeszyniym ôsōb gotowych fōngować na rzecz cylōw stŏwianych se bez Tŏwarzystwo, kere akceptujōm jego Statut i program. Człōnkami Tŏwarzystwa, kere je spiyrajōm mogōm być tyż ôsoby prawne.
3. Tŏwarzystwo mŏ ôsobowość prawnõ.
4. Tŏwarzystwo ôstŏwŏ powołane aktym woli człōnkōw, kerych Walne Zgrōmadzynie ôstŏwŏ nojwyższōm władzōm Tŏwarzystwa.
§ 2
1. Tŏwarzystwo fōnguje podle receptōw gezecu Prawo ô Stŏwarzyszyniach i tego Statutu, jak tyż podle Gezecu ô ôrganizowaniu i kludzyniu działalności kulturalnyj a Gezecu ô działalności użytku publicznego i ô wolontariacie.
2. Terynym działalności Tŏwarzystwa je teryn Rzeczypospolityj Polskij, a siydzibōm władz miasto Chorzōw. Tŏwarzystwo może kludzić działalność tyż poza granicami kraju zgodnie z prawym kraju, w kerym kludzi działalność a tyż prawym polskim.
3. Tŏwarzystwo może być człōnkym krajowych i miyndzynŏrodowych ôrganizacyjōw społecznych, jak takŏ decyzyjŏ podyjmnie Forsztand i sztimuje to z cylami statutowymi Tŏwarzystwa.
§ 3
1. Tŏwarzystwo może używać ôdznak, symbolōw, legitymacyjōw i sztympla zgodnie z receptami, kere ôbowiōnzujōm.
2. Tŏwarzystwo może ustanŏwiać i nadŏwać włŏsne wyrōżniynia i ôdznaczynia.
3. Tŏwarzystwo może zakłŏdać terynowe ôddziōły na prawidłach ôkryślōnych we dalszyj czynści Statutu.
ROZDZIOŁ II
Cyle i postrzodki do fōngowaniŏ
§ 4
Cylym Tŏwarzystwa je staranie sie ô nŏlyżnŏ ślōnskimu jynzykowi pozycyjŏ we społeczności Gōrnego Ślōnska i ôbecność tego jynzyka w przestrzyństwie publicznym, uwszeôbecnianie wiedze ô ślōnskim jynzyku, napoczynanie i spōmŏganie robōt, kere majōm na cylu ujednolicynie ślōnskij ôrtografije, gramatyki i leksyki, prōmowanie ślōnskigo jynzyka bez media i publikacyje, jak tyż spiyranie twōrcōw, kerzi sie ślōnskim jynzykym posugujōm..
§ 5
Cyle te Tŏwarzystwo ôsiōngŏ bez niyôdpłatnŏ a ôdpłatnŏ działalność w sferze nauki, edukacyje, ôświaty i wychowaniŏ jak tyż kultury, kōnsztu, ôchrōny dōbr kultury i tradycyje, a w ôsobliwości bez:
1/ ôrganizowanie posiedziyń, sjazdōw i kōnferyncyjōw, kere tykajōm kwestyje ślōnskij mŏwy
– działalność niyôdpłatnŏ i ôdpłatnŏ:
- działalność zwiōnzanŏ z ôrganizacyjōm tŏrgōw, wystŏwek i kōngresōw – PKD 82.30.Z
– działalność niyôdpłatnŏ :
- działalność inkszych ôrganizacyjōw człōnkowskich, kaj indzij niysklasyfikowanŏ – PKD: 94.99.Z
2/ wydŏwanie włŏsnych czasopism i prŏc zewartych, tak we formie tradycyjnyj, jak i elektrōnicznyj, w tym produkcyjŏ wydŏwnictw kōmputrowych, telewizyjnych i radyjowych – działalność niyôdpłatnŏ i ôdpłatnŏ :
- wydŏwanie ksiōnżek – PKD: 58.11.Z
- wydŏwanie cajtōngōw – PKD: 58.13.Z
- wydŏwanie czasopism i inkszych peryjodykōw – PKD: 58.14.Z
- inkszŏ działalność wydŏwniczŏ – PKD: 58.19.Z
- działalność wydŏwniczŏ w zakresie grōw kōmputrowych – PKD: 58.21.Z
- działalność wydŏwniczŏ w zakresie inkszego ôprogramowaniŏ – PKD: 58.29.Z
- działalność zwiōnzanŏ z produkcyjōm filmōw, nagrań wideo i programōw telewizyjnych – PKD: 59.11.Z
- działalność postprodukcyjnŏ zwiōnzanŏ z filmami, nagraniami wideo i programami telewizyjnymi – PKD: 59.12.Z
- działalność zwiōnzanŏ z dystrybucyjōm filmōw, nagrań wideo i programōw telewizyjnych – PKD: 59.13.Z
- działalność zwiōnzanŏ z projekcyjōm filmōw – PKD: 59.14.Z
- działalność w zakresie nagrań klangu i muzycznych – PKD: 59.20.Z
- działalność portalōw internecowych – PKD: 63.12.Z
3/ skludzanie włŏsnego ksiyngozbioru jak tyż powszechne jego udostympnianie
– działalność niyôdpłatnŏ i ôdpłatnŏ:
- działalność bibliŏtyk – PKD: 91.01.A
4/ inicjowanie i spiyranie fōngowaniŏ, kere prōmuje mŏwa ślōnskŏ w mediach i przestrzyństwie publicznym – działalność niyôdpłatnŏ i ôdpłatnŏ:
- działalność zwiōnzanŏ z wystôwianiym przedstawiyń artystycznych – PKD: 90.01.Z
- działalność, kerŏ spōmŏgŏ wystŏwianie przedstawiyń artystycznych – PKD: 90.02.Z
- artystycznŏ i literackŏ działalność twōrczŏ – PKD: 90.03.Z
- działalność ôbiektōw kulturalnych – *KD: 90.04.Z
– działalność niyôdpłatnŏ:
- działalność inkszych ôrganizacyjōw człōnkowskich, kaj indzij niysklasyfikowanŏ – PKD: 94.99.Z
5/ wyrażanie ôpinijōw we sprawach, kere tykajōm ôbecności ślōnskij mŏwy w mediach, przestrzyństwie publicznym i piśmiynnictwie, usōndzanie wōntōw jynzykowych w sprawach słownictwa, gramatyki i wymŏwy, ôpiniowanie stosowanych norm ôrtograficznych i interpunkcyjnych
– działalność niyôdpłatnŏ i ôdpłatnŏ:
- badania naukowe i prŏce rozrostowe w dōmynie nauk społecznych i humanistycznych – PKD: 72.20.Z
- działalność zwiōnzanŏ z przekłŏdami – PKD: 74.30.Z
6/ uwszechôbecnianie wiedze ô ślōnskij mŏwie bez ôdczyty publiczne, wystŏwki, działalność kludzōnõ w Internecu itp.,
– działalność niyôdpłatnŏ:
- działalność inkszych ôrganizacyjōw człōnkowskich, kaj indzij niysklasyfikowanŏ – PKD: 94.99.Z
7/ spōmŏganie jynzykowyj edukacyje regiōnalnyj bez spōłpraca z ôświatōm podstawowōm i postrzedniōm
– działalność niyôdpłatnŏ i ôdpłatnŏ:
- szkoły ksztŏłcyniŏ rechtorōw i kolegia robotnikōw dinstōw społecznych – PKD: 85.42.A
- pozaszkolne formy edukacyje artystycznyj – PKD: 85.52.Z
- inksze pozaszkolne formy edukacyje, kaj indzij niysklasyfikowane – PKD: 85.59.B
- działalność, kerŏ spōmŏgŏ edukacyjŏ – PKD: 85.60.Z
8/ wyrōżnianie znŏcznych dokōnań twōrczych i zasug na polu popularyzacyje ślōnskij mŏwy,
– działalność niyôdpłatnŏ :
- działalność inkszych ôrganizacyjōw człōnkowskich, kaj indzij niysklasyfikowanŏ – PKD: 94.99.Z
9/ spōłpraca z inkszymi insztytucyjami, ôrganizacyjami i stŏwarzyszyniami we sprawach, kere sōm przedmiotym działalności Tŏwarzystwa
– działalność niyôdpłatnŏ:
- działalność inkszych ôrganizacyjōw człōnkowskich, kaj indzij niysklasyfikowanŏ – PKD: 94.99.Z
ROZDZIOŁ III
Człōnki Tŏwarzystwa, jejich prawa i ôbowiōnzki
§ 6
1. Człōnki Tŏwarzystwa dzielōm sie na: 1/ hōnorowych, 2/ zwykłych, 3/ kere spōmŏgajōm Tŏwarzystwo.
2. Zŏcność człōnka hōnorowego nadŏwŏ Walne Zgrōmŏdzynie Człōnkōw na prośba Głōwnego Forsztandu ôsobōm fizycznym wybitnie zasużōnym w dōmynie popularyzacyje ślōnskij mŏwy i znŏcznym twōrcōm, kerzi posugujōm sie ślōnskōm mŏwōm. Za znŏczne zasugi dlŏ popularyzacyje ślōnskij mŏwy zŏcność człōnka hōnorowego mogōm dostać tyż auslyndry.
3. Kandydata na człōnka zwykłego przedstŏwiŏ na zebraniu Tŏwarzystwa (abo Ôddziału) dwōch człōnkōw zwykłych Tŏwarzystwa. Uchwoła ô przijyńciu człōnka zwykłego podyjmuje Głōwny Forsztand (abo Forsztand Ôddziału). Decyzyjŏ Forsztandu Ôddziału zatwiyrdzŏ Głōwny Forsztand.
4. Kandydata na człōnka, kery spiyrŏ Tŏwarzystwo przedstŏwiŏ na zebraniu Tŏwarzystwa dwōch człōnkōw zwykłych Tŏwarzystwa. Uchwoła ô przijyńciu członka, kery spiyrŏ Tŏwarzystwo podyjmuje Głōwny Forsztand.
5. Ôbowiōnzkym wszyjskich człōnkōw je reszpektowanie Statutu jak tyż leda jakich uchwołōw Forsztandu i Walnego Zgrōmadzyniŏ.
§ 7
1. Człōnki hōnorowi sōm zaprŏszani na leda jake fajery ôrganizowane bez Tŏwarzystwo.
2. Człōnki hōnorowi zwolniyni sōm ôd płacyniŏ skłŏdek.
3. Człōnek hōnorowy mŏ prawo:
1/ uczestniczyć we zebraniach Tŏwarzystwa,
2/ dostŏwać wydŏwnictwa Tŏwarzystwa na warōnkach ôbsztalowanych bez Głōwny Forsztand,
3/ ôgłŏszać swe proce we wydŏwnictwach Tŏwarzystwa, jak spōłniajōm ône warōnki Redakcyje,
4/ być w piyrszyj raji powołanym do Kapituły Tŏwarzystwa.
4. Zŏcności człōnka hōnorowego może pozbyć ino Walne Zgrōmadzynie Człōnkōw za czyny, kere niy pasujōm członkom Tŏwarzystwa.
§ 8
1. Człōnkym zwykłym Tŏwarzystwa może być kożdy pōłnoletni ôbywatel Rzeczpospolityj Polskij, kery korzistŏ z praw obywatelskich i kery słoży pisymnŏ deklaracyjŏ przistōmpiyniŏ do Tŏwarzystwa, w keryj je akceptacyjŏ jego cylōw, statutu i programu, dostanie sparcie dwōch człōnkōw zwykłych, ôstanie przijynty bez Głōwny Forsztand (abo Forsztand Ôddziału, kerego uchwoła musi być zatwiyrdzōnŏ bez Głōwny Forsztand) jak tyż wniesie wpisowe w kwocie ôbsztalowanyj bez Głōwny Forsztand. Człōnkami zwykłymi Tŏwarzystwa mogōm być tyż auslyndry.
2. Człōnki zwykłe ôpłacajōm jednorazowe wpisowe jak tyż skłŏdki roczne, kerych wysokość ôbsztaluje Głōwny Forsztand. Głōwny Forsztand ôbsztaluje tyż prawidła zwŏlnianiŏ człōnkōw zwykłymch ôd wpłacaniŏ wpisowego i skłŏdek rocznych.
3. Człōnki zwykłe majōm prawo:
1/ uczestniczyć i welować we zebraniach Tŏwarzystwa,
2/ ôbiyrać władze Tŏwarzystwa,
3/ kandydować do władz Tŏwarzystwa,
4/ być powołanym do Kapituły Tŏwarzystwa,
5/ przedstŏwiać kandydatōw na człōnkōw zwykłych Głōwnymu Forsztandowi (abo Forsztandowi Ôddziału),
6/ przedstŏwiać kandydatōw na członków, kere spōmŏgajōm Tŏwarzystwo i człōnkōw hōnorowych Głōwnymu Forsztandowi,
7/ zgłŏszać propozycyje, uwŏgi i postulaty w zakresie działalności statutowyj,
8/ dostŏwać wydŏwnictwa Tŏwarzystwa na warōnkach ôbsztalowanych bez Głōwny Forsztand,
9/ ôgłŏszać swe proce w wydŏwnictwach Tŏwarzystwa, jak społniajōm ône warōnki Redakcyje.
4. Człōnki zwykłe majōm ôbowiōnzek:
1/ braniŏ udziału w realizacyje statutowych cylōw Tŏwarzystwa,
2/ przestrzeganiŏ postanowiyń Statutu, regulaminŏw i uchwołōw władz Tŏwarzystwa,
2/ systymatycznego ôpłacaniŏ skłŏdek człōnkowskich, jak niy ôstali z ôpłacaniŏ zwolniyni.
5. Człōnkostwo zwykłe ustŏwŏ skuli:
1/ śmierci człōnka Tŏwarzystwa
2/ dobrowolnego wystōmpiyniŏ zgłoszōnego na piśmie Głōwnymu Forsztandowi (abo Forsztandowi właściwego Ôddziału),
3/ skryślyniŏ bez Głōwny Forsztand (abo Forsztand Ôddziału) za zalyganie z ôpłŏckōm skłŏdek człōnkowskich bez ôkres co nojmynij 2 lŏt,
4/ wykluczyniŏ uchwołōm Forsztandu Głōwnego skuli niyprzestrzyganiŏ postanowiyń Statutu, uchwołōw władz Tŏwarzystwa abo fōngowaniŏ na szkoda Tŏwarzystwa. Ôdwołanie ôd uchwoły może być skłŏdane w czasie 3 miesiyncy do Głōwnego Forsztandu. Ôdwołanie rozwŏżŏ nojbliższe Walne Zgrōmŏdzynie Człōnkōw Tŏwarzystwa.
§ 9
1. Człōnkym, kery spōmŏgŏ Tŏwarzystwo może ôstać ôsoba fizycznŏ abo prawnŏ, kerŏ deklaruje gotowość pōmocy Tŏwarzystwu w realizacyje jego cylōw. Człōnek, kery spōmŏgŏ Tŏwarzystwo ôsobiście abo za postrzednictwym swego przedstawiciela, mŏ prawo uczestniczyć w robotach i Walnym Zgrōmadzyniu Człōnkōw Tŏwarzystwa.
2. Człōnkōw, kerzi spōmŏgajōm Tŏwarzystwo przijmuje Głōwny Forsztand Tŏwarzystwa.
3. Wysokość wpisowego i skłŏdki roczne członków, kerzi spōmŏgajōm Tŏwarzystwo muszōm być kożdy rŏz ugŏdane z Głōwnym Forsztandym Tŏwarzystwa.
4. Człōnek, kery spōmŏgŏ Tŏwarzystwo niy mŏ biernego ani czynnego prawa do welōwaniŏ.
5. Tytułu członka, kery spiyrŏ Tŏwarzystwo pozbywŏ Głōwny Forsztand po stwiyrdzyniu braku zainteresowaniŏ ze strōny członka, kery spiyrŏ Tŏwarzystwo dlŏ fōngowaniŏ Tŏwarzystwa abo postympowaniŏ, kere richtich niy pasuje członkowi Tŏwarzystwa abo szpeci gyszeftōm ôd Tŏwarzystwa.
ROZDZIOŁ IV
Władze Tŏwarzystwa
§ 10
1. Władzami Tŏwarzystwa sōm:
1/ Walne Zgrōmŏdzynie Człōnkōw,
2/ Prezes Tŏwarzystwa i Głōwny Forsztand,
3/ Głōwnŏ Kōmisyjŏ Rewizyjnŏ,
4/ powołowanŏ bez Głōwny Forsztand Kapituła Tŏwarzystwa, kerŏ zajmuje sie nadŏwaniym nadgrōd i wyrōżniyń.
2. Kadyncyjŏ władz wybieralnych trwŏ 4 lata.
3. Niy idzie być we tym samym czasie człōnkym Głōwnego Forsztandu i człōnkym Głōwnyj Kōmisyje Rewizyjnyj.
3. Uchwoły leda jakich władz Tŏwarzystwa, w tym tyż wybieralnych, podyjmowane sōm zwykłōm wiynkszościōm głosōw przi ôbecności co nojmynij połowy uprawniōnych do welowaniŏ, chyba że Statut stanowi inakszyj. W przipŏdku rōwnyj liczby głosōw decyduje głos tego, kery kludzi zebranie.
4. Głōwny Forsztand i Głōwnŏ Kōmisyjŏ Rewizyjnŏ mogōm dokōnować dopołniyniŏ swego składu we trybie kooptacyje nowych człōnkōw w zwōlniōny plac, niy wiyncyj jednakōż jak do 1/3 człōnkōw tych władz, kere pochodzōm z wyboru.
5. Głōwny Forsztand i Głōwnŏ Kōmisyjŏ Rewizyjnŏ konstytuujōm sie niy niyskorzij jak w czasie 10 dni po wyborach.
Walne Zgrōmŏdzynie Człōnkōw
§ 11
1. Walne Zgrōmŏdzynie Człōnkōw je nojwyższōm władzōm Tŏwarzystwa.
2. Walne Zgrōmŏdzynie Człōnkōw zbiyrŏ sie na sesyjach zwykłych i sesyjach ekstra. Piyrsze Walne Zgrōmŏdzynie Człōnkōw zwołuje Kōmitet Założycielski po registracyje Tŏwarzystwa w sōndzie, kożde nastympne Forsztand Głōwny.
3. Sesyje zwykłe Walnego Zgrōmŏdzyniŏ Człōnkōw ôdbywajōm sie w cylach sprawozdawczych rok w rok w piyrszym sztwierćroku, a w cylach sprawozdawczo-welōnkowych co 4 lata.
4. Uchwoły Walnego Zgrōmŏdzyniŏ Człōnkōw podyjmowane sōm zwykłōm wiynkszościōm głosōw w ôbecności co nojmynij 1/2 liczby ôsōb uprawniōnych do welowaniŏ w piyrszym terminie, a bez zglyndu na liczba ôsōb w drugim terminie.
§ 12
Do kōmpetyncyje Walnego Zgrōmŏdzyniŏ Człōnkōw przinŏleży:
1/ uchwŏlanie kerōnkōw działalności Tŏwarzystwa,
2/ uchwŏlanie zmian Statutu,
3/uchwŏlanie regulaminōw wnōntrznych Tŏwarzystwa, a w ôsobliwości:
– prawideł wyborōw władz Tŏwarzystwa,
– prawideł roboty Głōwnego Forsztandu i Forsztandōw Ôddziałōw,
prawideł roboty Głōwnyj Kōmisyje Rewizyjnej i Kōmisyjōw Rewizyjnych Ôddziałōw.
4/ wybōr Prezesa, Głōwnego Forsztandu i Głōwnyj Kōmisyje Rewizyjnyj,
5/ podyjmowanie uchwołōw w przedmiocie absolutorium dlŏ Głōwnego Forsztandu, kery ustympuje
6/ rozwŏżanie sprawozdań z działalności Głōwnego Forsztandu i Głōwnyj Kōmisyje Rewizyjnej,
7/ podyjmowanie uchwołōw we sprawach przedstŏwianych bez Głōwny Forsztand, Głōwnŏ Kōmisyjõ Rewizyjnŏ i człōnkōw,
8/ nadŏwanie i pozbywanie zŏcności człōnka hōnorowego,
9/ wyznŏczanie polityki financowyj Tŏwarzystwa,
10/ rozwŏżanie ôdwołań człōnkōw ôd decyzyjōw Głōwnego Forsztandu,
11/ podyjmowanie uchwoły ô rozwiōnzaniu Tŏwarzystwa, powołaniu kōmisyje likwidacyjnej i cylu, na jaki przeznaczōny ôstanie majōntek Tŏwarzystwa.
§ 13
Ô terminie piyrszego Walnego Zgrōmŏdzyniŏ Człōnkōw po registracyje w sōndzie i ô propōnowanym porzōndku ôbrad Kōmitet Założycielski zawiadōmiŏ człōnkōw co nojmynij na 14 dni przed terminym napoczyńciŏ Zgrōmŏdzyniŏ (pisymnie abo pocztōm elektrōnicznōm). W kożdym nastympnym przipŏdku ôbowiōnzek tyn, z zachowaniym tego samego terminu spoczywŏ na Głōwnym Forsztandzie.
§ 14
1. Ekstra Walne Zgrōmŏdzynie Człōnkōw je zwoływane z ważnych prziczyn bez Głōwny Forsztand:
1/ ze włŏsnyj inicjatywy Głōwnego Forsztandu,
2/ na prośba Głōwnyj Kōmisyje Rewizyjnyj,
3/ na prośba co nojmynij 1/5 ôgōlnyj liczby człōnkōw zwykłych Tŏwarzystwa.
2. Głōwny Forsztand swołuje ekstra Zgrōmŏdzynie Człōnkōw w czasie 2 miesiyncy ôd wpłyniyńciŏ prośby. Ekstra Zgrōmŏdzynie Człōnkōw ôbraduje nad sprawami, co dlŏ nich ôstało swołane.
Głōwny Forsztand
§ 15
1. Głōwny Forsztand keruje działalnościōm Tŏwarzystwa w ôkresie miyndzy Walnymi Zgrōmŏdzyniami Człōnkōw.
2. W skłŏd Głōwnego Forsztandu wchodzi Prezes jak tyż 4 człōnkōw ôbiyranych bez Walne Zgrōmŏdzynie Człōnkōw, w tym sekretŏrz i skarbnik. W skłŏd Głōwnego Forsztandu wchodzōm pōnadto: sprŏwcy Ôddziałōw ôbrani przōdzij w bezpostrzednich wyborach jak tyż redachtōry naczelni wydŏwnictw Tŏwarzystwa. Prezes Tŏwarzystwa kludzi roboty Głōwnego Forsztandu.
§ 16
Do zakresu fōngowaniŏ Głōwnego Forsztandu przinŏleży:
1/ ryalizowanie statutowych cylōw Tŏwarzystwa,
2/ kerowanie terŏźnōm działalnościōm Tŏwarzystwa,
3/ reprezyntowanie Tŏwarzystwa kajś indzij,
4/ ryalizowanie uchwołōw Walnego Zgrōmŏdzyniŏ Człōnkōw,
5/ reskyrowanie majōntkym Tŏwarzystwa,
6/ ôprŏcowywanie programōw i planōw działalności jak tyż wytycznych budżetowych Tŏwarzystwa,
7/swoływanie Walnych Zgrōmŏdzyń Człōnkōw i propōnowanie porzōndku ôbrad,
8/ przijmowanie i skryślanie człōnkōw zwykłych,
9/ zatwiyrdzanie uchwołōw Forsztandōw Ôddziałōw, kere tykajōm przijmowaniŏ i skryślaniŏ człōnkōw zwykłych,
10/ przijmowanie członków, kere spōmŏgajōm Tŏwarzystwo i wyciepowanie jejich z listy w wypŏdkach przewidzianych w § 9,
11/ powołowanie, rozwiōnzowanie i nadzorowanie Ôddziałōw Tŏwarzystwa,
12/ powołowanie redachtorōw i rŏd redakcyjnych wydŏwnictw Tŏwarzystwa,
13/ ôpracowywanie ôkresowych sprawozdań z merytorycznyj i financowyj działalności Tŏwarzystwa,
14/ przedstŏwianie Walnemu Zgrōmŏdzyniu Człōnkōw prośb ô nadanie i ôdebranie zŏcności człōnkōw hōnorowych,
15/ uchwŏlanie wysokości wpisowego i skłŏdek człōnkowskich,
16/ zwŏlnianie człōnkōw zwykłych z ôbowiōnzku płacyniŏ skłŏdek, jak bydzie trza,
17/ podyjmowanie uchwołōw we sprawie człōnkostwa w ôrganizacyjach krajowych i zagranicznych,
18/ kludzynie spraw Tŏwarzystwa, kere niy sōm zarezerwowane dlŏ inkszych władz.
§ 17
Do skłŏdaniŏ poświadczyń woli we mianie Głōwnego Forsztandu wymŏgane sōm handszrifty prezesa i jednego z inkszych człōnkōw Głōwnego Forsztandu.
§ 18
Posiedzynia Głōwnego Forsztandu swoływane sōm wtynczŏs jak trza, niy rzŏdzij jednak jak dwa razy w roku.
Głōwnŏ Kōmisyjŏ *Rewizyjna
§ 19
1. Głōwnŏ Kōmisyjŏ Rewizyjnŏ je ôrganym kōntrole Tŏwarzystwa i za swoja robota ôdpadŏ przed Walnym Zgrōmŏdzyniym Człōnkōw.
2. Głōwnŏ Kōmisyjŏ Rewizyjnŏ skłŏdŏ sie z 3 człōnkōw, co spostrzōd siebie ôbiyrajōm sprŏwce.
3. Człōnek Głōwnyj Kōmisyje Rewizyjnyj niy może:
1/ być we tym samym czasie człōnkym Głōwnego Forsztandu,
2/ ôstŏwać w relacyji pokrywiyństwa, powinowactwa abo podległości skuli zatrudniyniŏ z człōnkami Głōwnego Forsztandu,
3/ być skŏzany prawomocnym wyrokym za przestympstwo z przewiny umyślnyj,
4/ dostŏwać nazŏd koszty z tytułu człōnkostwa w Głōwnyj Kōmisyje Rewizyjnej abo pynsyjŏ w wysokości wyższyj jak ôkryślōne w Gezecu ô wynagrŏdzaniu ôsōb, kere kerujōm niykerymi podmiotami prawnymi.
§ 20
Do zakresu fōngowaniŏ Głōwnyj Kōmisyje Rewizyjnyj przinŏleży:
1/ kōntrola cōłkij działalności, a w ôsobliwości co nojmynij rŏz w roku kōntrola działalności financowyj Tŏwarzystwa,
2/ skłŏdanie sprawozdaniŏ na Walnym Zgrōmŏdzyniu Człōnkōw do kupy ze ôcynōm działalności i wzniōskami w przedmiocie absolutorium dlŏ Głōwnego Forsztandu, kery ustympuje,
3/ przedstŏwianie Głōwnymu Forsztandowi propozycyjōw pōmian w działalności Tŏwarzystwa,
4/ sprawowanie dozoru nad Kōmisyjami Rewizyjnymi Ôddziałōw jak tyż rozwŏżanie ôdwołań ôd jejich rozsōndzyń.
§ 21
Głōwnŏ Kōmisyjŏ Rewizyjnŏ dlŏ wykōnaniŏ swojich zŏdań kōntrolnych je uprawniōnŏ do:
1/ żōndaniŏ ôd Głōwnego Forsztandu przedstawiyniŏ leda jakich dokumyntōw, kere tykajōm działalności Tŏwarzystwa,
2/ żōndaniŏ ôd człōnkōw Forsztandu Głōwnego słożyniŏ pisymnych abo ustnych wyklarowań.
§ 22
Sprŏwdza Głōwnyj Kōmisyje Rewizyjnyj abo wyznaczōny bez niego człōnek Głōwnyj Kōmisyje Rewizyjnyj uczestniczōm w ôbradach Forsztandu Głōwnego z głosym doradczym.
Kapituła Tŏwarzystwa
§ 23
Do cylōw nadŏwaniŏ nadgrōd i wyrōżniyń Forsztand powołuje Kapituła Tŏwarzystwa. Sprŏwcōm Kapituły ôstŏwŏ jedyn z człōnkōw Głōwnego Forsztandu. Na jego wzniōsek powołowane sōm inksze człōnki Kapituły Tŏwarzystwa. Człōnki hōnorowe Tŏwarzystwa sōm powołowane na człōnkōw Kapituły Tŏwarzystwa w piyrszyj raji. Liczba człōnkōw kapituły winna być dycki niyparzistŏ. Człōnek kapituły może ôstać ôdwołany, jak niy biere udziału w jeji posiedziyniach.
ROZDZIOŁ V
Ôddziały Tŏwarzystwa
§ 24
1. Ôddziōł może być powołany uchwołōm Głōwnego Forsztandu, na prośba co nojmynij 10 człōnkōw Tŏwarzystwa słożōnŏ na piśmie.
2. Siydziba i teryn fōngowaniŏ Ôddziału ôkryślŏ Głōwny Forsztand.
3. Materyjnōm podstawōm działalności Ôddziału sōm skłŏdki człōnkowske jak tyż fōndusze przekazowane bez Głōwny Forsztand.
4. Na prośba Walnego Zgrōmŏdzyniŏ Człōnkōw Ôddziału i za zgodōm Głōwnego Forsztandu Ôddziōł może napoczōńć postympowanie, kere mŏ na cylu dostanie natury prawnyj.
§ 25
1. Władzami Ôddziału sōm:
1/ Walne Zgrōmadzynie Człōnkōw Ôddziału,
2/ Forsztand Ôddziału,
3/ Kōmisyjŏ Rewizyjnŏ Ôddziału.
2. Kadyncyjŏ władz Ôddziału trwŏ 4 lata i winnŏ napoczynać sie przed Walnym Zgrōmŏdzyniym Człōnkōw Tŏwarzystwa.
3. Niy idzie być we tym samym czasie człōnkym Forsztandu Ôddziału i człōnkym Kōmisyje Rewizyjnyj Ôddziału.
4. Forsztand Ôddziału i Kōmisyjŏ Rewizyjnŏ Ôddziału mogōm dokōnować dopołniyń swego składu w trybie kooptacyje nowych człōnkōw w zwōlniōny plac, niy wiyncyj jednak jak do 1/3 człōnkōw tych władz, kere pochodzōm z wyboru.
Walne Zgrōmadzynie Człōnkōw Ôddziału
§ 26
1. Walne Zgrōmadzynie Człōnkōw Ôddziału zbiyrŏ sie na sesyjach zwykłych i ekstra sesyjach.
2. Sesyje zwykłe Walnego Zgrōmŏdzyniŏ Człōnkōw Ôddziału ôdbywajōm sie w cylach sprawozdawczych rok w rok w piyrszym sztwierćroku, a w cylach sprawozdawczo-welōnkowych co 4 lata.
3. Uchwoły Walnego Zgrōmŏdzyniŏ Człōnkōw Ôddziału podyjmowane sōm zwykłōm wiynkszościōm głosōw w ôbecności 1/2 liczby ôsōb uprawniōnych do welowaniŏ w piyrszym terminie, a bez zglyndu na liczba ôsōb w drugim terminie.
§ 27
Do zakresu fōngowaniŏ Walnego Zgrōmadzyniŏ Człōnkōw Ôddziału przinŏleży:
1/ uchwŏlanie programu działalności Ôddziału, zgodnie z postanowiyniami Statutu i uchwołami władz Tŏwarzystwa,
2/ wybōr Forsztandu Ôddziału i Kōmisyje Rewizyjnyj Ôddziału,
3/ rozwŏżanie sprawozdań z działalności Forsztandu Ôddziału i Kōmisyje Rewizyjnyj Ôddziału,
4/ podyjmowanie uchwołōw, kere wymŏgajōm decyzyje Walnego Zgrōmadzyniŏ Człōnkōw Ôddziału.
§ 28
Ô terminie Walnego Zgrōmadzyniŏ Człōnkōw Ôddziału jak tyż ô propōnowanym porzōndku ôbrad Forsztand Ôddziału zawiadōmiŏ człōnkōw co nojmynij na 10 dni przed terminym zgrōmadzyniŏ (pisymnie abo pocztōm elektrōnicznōm).
§ 29
1. Ekstra Walne Zgrōmadzynie Człōnkōw Ôddziału je swoływane z ważnych prziczyn bez Forsztand:
1/ ze włŏsnyj inicjatywy Forsztandu Ôddziału,
2/ na prośba Kōmisyje Rewizyjnyj Ôddziału,
3/ na prośba Głōwnego Forsztandu,
4/ na prośba Głōwnyj Kōmisyje Rewizyjnyj,
5/ na prośba 1/3 ôgōlnyj liczby człōnkōw Ôddziału.
2. Forsztand swołuje ekstra Walne Zgrōmadzynie Człōnkōw w czasie 30 dni ôd daty wpłyniyńciŏ wzniōsku.
3. Ekstra Walne Zgrōmadzynie Człōnkōw ôbraduje nad sprawami, co dlŏ nich ôstało swołane.
Forsztand Ôddziału
§ 30
Forsztand Ôddziału skłŏdŏ sie z 3 ôsōb: sprŏwce, sekretŏrza i skarbnika. Forsztand kōnstytuuje sie niy niyskorzij jak bez tydziyń ôd daty wyborōw.
§ 31
Do zakresu fōngowaniŏ Forsztandu Ôddziału przinŏleży:
1/ ryalizowanie statutowych cylōw Tŏwarzystwa,
2/ ryalizowanie uchwołōw Walnego Zgrōmadzyniŏ Człōnkōw jak tyż uchwołōw i wytycznych władz Tŏwarzystwa,
3/ ôpracowowanie planōw działalności Ôddziału i sprawozdań dlŏ Głōwnego Forsztandu,
4/ kludzynie działalności financowyj w rōmach upoważniyń i wytycznych dŏwanych bez Głōwny Forsztand,
5/ swoływanie Walnych Zgrōmadzyń Człōnkōw Ôddziału i skłŏdanie na nich sprawozdań ze swyj działalności,
6/ przijmowanie i skryślanie człōnkōw zwykłych, kere zatwiyrdzane je bez Głōwny Forsztand.
§ 32
Zgrōmadzynie Forsztandu Ôddziału swołuje sprŏwca wtynczŏs jak trza, niy rzŏdzij jak dwa razy w roku.
§ 33
Do skłŏdaniŏ poświadczyń woli we mianie Forsztandu Ôddziału wymŏgane sōm handszrifty sprŏwce i jednego z inkszych człōnkōw Forsztandu Ôddziału.
Kōmisyjŏ Rewizyjnŏ Ôddziału
§ 34
1. Kōmisyjŏ Rewizyjnŏ Ôddziału skłŏdŏ sie z 3 człōnkōw, co ôbiyrajōm spostrzōd siebie sprŏwce.
2. Przedstŏwiciel Kōmisyje Rewizyjnyj Ôddziału biere udziōł we zgrōmadzyniach Forsztandu Ôddziału z głosym doradczym,
3. Do zakresu fōngowaniŏ Kōmisyje Rewizyjnyj Ôddziału przinŏleży:
1/ kōntrola cōłkij działalności Ôddziału, a w ôsobliwości co nojmynij rŏz w roku jego działalności financowyj, z ôsobliwym zarachowaniym kōntrole ôpłacaniŏ skłŏdek człōnkowskich,
2/ skłŏdanie sprawozdań na Walnym Zgrōmadzyniu Człōnkōw Ôddziału do kupy ze ôcynōm działalności i propozycyjami we sprawie dŏwaniŏ absolutorium i uwŏgami, kere tykajōm kerōnkōw działalności Ôddziału,
3/ przedstŏwianie Forsztandowi Ôddziału propozycyjōw pōmian w działalności Ôddziału.
ROZDZIOŁ VI
Majōntek i fōndusze Tŏwarzystwa
§ 35
1. Majōntek Tŏwarzystwa stanowiōm nabyte w czasie działalności statutowyj prawa, przedmioty i niyruchomości jak tyż fōndusze, a w ôsobliwości: wpisowe i skłŏdki człōnkowske, erbowizny, dotacyje, zŏpisy, subwyncyje, darowizny jak tyż inksze przisporzynia majōntkowe dokōnane na rzecz Tŏwarzystwa bez krajowe i zagraniczne ôsoby fizyczne i prawne, wpływy ze zbiōrek ôrganizowanych bez Tŏwarzystwo, ôdsetki bankowe, wpływy i dochody z działalności ekōnōmicznyj i wydŏwniczyj Tŏwarzystwa jak tyż inksze wpływy i dochody.
2. Majōntkym Tŏwarzystwa dyspōnuje Forsztand Głōwny podle uchwołōw podyjmniyntych zwykłōm wiynkszościōm głosōw.
3. Prawidła kludzyniŏ gospodarki financowyj Tŏwarzystwa ôbsztaluje Głōwny Forsztand podle wytycznych Walnego Zgrōmŏdzyniŏ Człōnkōw. Władze Ôddziałōw sōm zôbowiōnzane reskyrować majōntkym Tŏwarzystwa zgodnie z tymi prawidłami.
4. Wnoszōne bez człōnkōw zwykłych wpisowe i skłŏdki przijmowane sōm bez skarbnika Głōwnego Forsztandu (abo Forsztandu Ôddziału).
5. Wnoszōne bez członków, kere spōmŏgajōm Tŏwarzystwo, wpisowe i skłŏdki przijmowane sōm bez skarbnika Głōwnego Forsztandu.
6. Tŏwarzystwo może kludzić działalność ekōnōmicznõ w miarach, kere sużōm realizacyje jego cylōw statutowych podle prawideł i receptōw, kere ôbowiōnzujōm, jak zaregistrowało takowŏ działalność w Krajowym Regeście Sōndowym. Dochōd z działalności ekōnōmicznyj Tŏwarzystwa suży realizacyje cylōw jego statutowych i niy może być przeznaczōny do podziału miyndzy człōnkōw.
7. Tŏwarzystwo może brać borg ze banku, a tyż brać pōmp w inkszych ôrganizacyjach ekōnōmicznych dlŏ realizacyje swojich cylōw statutowych.
8. Poświadczynie woli w zakresie zaciōngania nŏleżności majōntkowych we mianie Tŏwarzystwa skłŏdŏ co nojmynij dwōch człōnkōw Forsztandu, w tym prezes. Do zaciōnganiŏ nŏleżności powyżyj 10 000 zł (dziesiyńciu tysiyncy złotych) wymŏganŏ je uchwoła Forsztandu.
§ 36
Zabrōniŏ sie:
1/ dŏwaniŏ pożyczek abo zabezpieczaniŏ nŏleżności majōntkym Tŏwarzystwa w relacyji do jeji człōnkōw, człōnkōw ôrganōw abo prŏcownikōw jak tyż ôsōb, co z niymi człōnki, człōnki ôrganōw abo prŏcowniki sōm żyniate abo sōm swōjŏkami w lynije wprostyj, w lynije bocznyj do drugigo stopnia abo sōm zwiōnzani z tytułu przisposobiyniŏ, flyjgi abo kurateli, zwanych dalij „ôsobami bliskimi”,
2/ przekazowaniŏ majōntku Tŏwarzystwa na rzecz jego człōnkōw, człōnkōw ôrganōw abo prŏcownikōw jak tyż jejich ôsōb bliskich, na prawidłach inkszych jak w relacyji do ôsōb trzecich, w ôsobliwości jak przekŏzanie to nastympuje bezpłatnie abo na preferyncyjnych warōnkach,
3/ spotrzebowowaniŏ majōntku Tŏwarzystwa na rzecz jego człōnkōw, człōnkōw ôrganōw abo prŏcownikōw jak tyż jejich ôsōb bliskich na prawidłach inkszych jak w relacyji do ôsōb trzecich,
4/ sprŏwōnku na ôsobliwych prawidłach tŏwarōw abo usug ôd podmiotōw, co w nich uczestniczōm człōnki Tŏwarzystwa, człōnki jego ôrganōw abo prŏcowniki jak tyż jejich ôsōb bliskich.
ROZDZIOŁ VIII
Pōmiana Statutu i rozwiōnzanie Tŏwarzystwa
§ 37
1. Zmiany Statutu i rozwiōnzanie Tŏwarzystwa wymŏgajōm uchwoły Walnego Zgrōmŏdzyniŏ Człōnkōw podyjmniyntyj wiynkszościōm 2/3 głosōw, przi ôbecności co nojmynij 1/2 ôgōlnyj liczby ôsōb uprawniōnych do welowaniŏ.
2. W razie podyjmniyńciŏ uchwoły ô rozwiōnzaniu Tŏwarzystwa Walne Zgrōmŏdzynie Człōnkōw biere decyzyjŏ ô przeznaczyniu majōntku Tŏwarzystwa i powołŏ kōmisyjŏ likwidacyjnŏ.